Azərbaycan Yüksəliş Partiyasının Başqanı Anar Əsədli, müavinləri Nigar Sultanlı, Gülşən Hacıyeva və Aqil Dadaşzadə dəyərli ziyalı, filosof, tarixçi, tərcüməçi Əlisa Nicatı ziyarət ediblər.

Avqustun 10-da 86 yaşını qeyd edəcək Əlisa Nicatın Azərbaycan ədəbiyyatının inkişafında, tarixinin araşdırılmasında xidmətləri misilsizdir.  O, 55 cildlik kitabların, saysız pritça, esse, povest və şeirlərin müəllifi olmaqla yanaşı, dünya klassiklərinin, tarixçilərinin yüzlərlə əsərini, araşdırmasını doğma dilimizə tərcümə edib.

Bü gün də eyni həvəslə yazmağa, araşdırmağa, qədim tarixi əsərləri tərcümə etməyə davam edən filosof hazırda üzərində işlədiyi tərcümə və araşdırmalar barədə məlumat verib.

Əlisa Nicatın müəllifi olduğu bir neçə kitab “AY Partiyanın kitabxanası” üçün alınıb.

Anar Əsədli özünün müəllifi olduğu “Vicdanın labüd etdiyi savaş”, güneyli soydaşımız Məhsa Mehdilinin “AY Partiyanın kitabxanası” çərçivəsində çap olunmuş “44 günlük savaşda Güney Azərbaycan” kitablarını Əlisa Nicata təqdim edib.