Bu gün Ankaradakı Təbriz Araşdırmalar İnstitutunun ofisində Azərbaycan Yüksəliş Partiyasının Başqanı Anar Əsədli, başqanın birinci müavini Bəhrəm İsmayılov, müavini Elşad Abdullayev, Başqanın Güney Azərbaycan üzrə məsləhətçiləri Mehsa Mehdili, Rza Heyətin iştirakı ilə toplantı keçirilib. Ərəb-Türk münasibətləri üzrə məsləhətçi Suriya Hələb Türkmənlərindən Muxtar Bəydillinin toplantıya onlayn qatılıb.
Başqan Anar Əsədli toplantıda Azərbaycan torpaqlarının xeyli yerə parçalandığını xatırladıb, dünyanın hər yerinə səpələnmiş soydaşlarımızla əlaqələrin bərpası istiqamətində görülməli olan işlərdən danışıb. Başqan AYP qarşısında duran vəzifələrdən danışarkən bildirib ki, dünyanın harasında yaşamasından asılı olmayaq, bütün azərbaycanlıların haqlarının qorunması öncəlikli məsələdir.
Mehsa Mehdili və Rza Heyət İranın Azərbaycan və Ermənistanla bağlı siyasətini Quzey Azərbaycan insanlarının diqqətinə çatdırmağın vacib olduğunu bildirib.
Muxtar Bəydilli bildirib ki,,
bütün Türk Cümhuriyyətləri Suriya türklərinin hüquqlarını ön planda tutmalıdır.
Rza Heyət Azərbaycanın Türk dünyasındakı rolundan danışıb. Bu məsələ ilə bağlı dünyanın müxtəlif yerlərində olan partiyalardan sadəcə AYP-nin peşəkarlıq göstərdiyini vurğulayıb.