Başqan Anar Əsədli, partiya rəhbərliyi, Gənclər Təşkilatının təmsilçiləri bu gün Gədəbəy rayonunda olub.

 

Gədəbəydə edilən bütün ziyarətlər, keçirilən görüşlər, aparılan söhbətlər zamanı sakinlər diqqətlə dinlənilib, şikayətləri, problemləri öyrənilib.

 

Rayonun Mor-mor kəndində Başqan Anar Əsədli ilə sakinlərin görüşü keçirilib. Sakinlərin axın etdiyi görüşdə onların güzəranı ilə maraqlanılıb, şikayətləri dinlənilib.

Partiya rəhbərliyi həmin kənddə ağır durumda yaşayan bir neçə ailəyə baş çəkib.

Daha sonra rayonun Saratovka kəndində Vətən müharibəsi şəhidi Əli Rzayevin evini ziyarət edən partiya təmsilçiləri onun anası ilə görüşüblər.

 

Anar Əsədli rəhbərliyindəki heyət həmin kənddə ağır durumda yaşayan, gələcəyin iki əsgərinin böyüdüyü Cəfərovlar ailəsinə baş çəkib.

 

Anar Əsədli və heyət Saratovka kəndinin mərkəzində mağazalara, iş yerlərinə baş çəkib, sahibkarlarla söhbət aparıb.

 

Partiya təmsilçiləri Gədəbəyin İnəkboğan kəndini ziyarət edərkən Türkiyənin Malatya vilayətində baş verən zəlzələ zamanı həlak olan tələbə Samir Əliyevin ailəsi ilə də görüşüb.