AY Partiya Başqanı Anar Əsədli və rəhbərliyi, Gənclər Təşkilatı rayonda şəhidlərin xatirəsinə ucaldılmış kompleksi ziyarət edib, Azərbaycanın bütövlüyü uğrunda canından keçən qəhrəmanları sayğı ilə yad edib, çiçək düzüblər.

 

Partiya təmsilçiləri daha sonra rayonun yetirmələri olan görkəmli şəxslərin büstlərinin olduğu parka baş çəkib. Azərbaycanın görkəmli şairi Səməd Vurğunun və yazıçı İsmayıl Şıxlının büstlərini ziyarət edilib.

 

Partiya təmsilçiləri Vətən müharibəsi şəhidi Turan Məmmədovun evinə, onun adına quraşdırılmış bulağa baş çəkib, ailəsi ilə görüşüb.

 

Daha sonra şəhid Elməddin Pənahovun evi ziyarət edilib, ailəsi ilə söhbət aparılıb.

 

Partiya Başqanı həmçinin bir qrup tələbə ilə söhbətləşib, onlara müəllifi olduğu "Vicdanın labüd etdiyi savaş” kitabını təqdim edib.