Azərbaycan Yüksəliş Partiyası Başqanlıq Heyəti üzvlərinin Vətən müharibəsinin şəhidi, leytenant Nurlan Həsənovun evini Şaxta baba ilə ziyarəti onlar üçün əsl bayram oldu.
Təkcə onların deyil, qonşu uşaqların da... Bizim millət olaraq gücümüz də bundadır, bir-birimizin yanında ola bilmək ərdəmində. Şəhid övladlarınının sinif yoldaşları, qonşuları onların ağrılarına şərik çıxır, sevinc bəxş etmək üçün əllərindən gələni edirlər.
Şəhid ailələrini ziyarətlər zamanı şahidi olduğumuz bu səhnələr bizi insan və vətəndaş olaraq qürurlandırdı və sevindirdi. Biz birlikdə güclüyük və torpaqlarımız uğrunda axıdılan şəhid qanı heç də hədər getməyib. Bizi xalq olaraq daha da bütövləşdirib, həmrəy edib. Bizi bundan sonra hər zaman birləşdirən müqəddəs dəyərimiz - şəhid qəhrəmanlarımız, onların əmanətləri var.
Hər şey üçün sizə minnətdarıq! Üzünüzə təbəssüm bəxş edə bilmək nə böyük xoşbəxtlikdir...
