Mili teatr və kinomuzun inkişafında böyük xidmətləri olan Ə.İsgəndərov 1910-cu ilin may ayının 5-də Gəncədə dünyaya göz açıb.

Uşaqlığından teatra, sənətə bağlı olan böyük ustad ömrünün 25 ilini Azərbaycan Dövlət Akademik Dram teatrında keçirib. Çoxsaylı tamaşalara quruluş verərək, özünün "teatr məktəbi"ni yaratmağa müvəffəq olub.

 

Ə.İsgəndərov "Azərbaycanfilm" kinostudiyasına rəhbərlik etdiyi dövrdə isə milli kinomuzun inciləri olan xeyli bədii filmin çəkilməsinə nail olub, bir sıra filmlərdə yaddaqalan, koloritli rollar ifa edib.

 

Azərbaycanın mədəniyyət xadimləri arasında ilk dəfə SSRİ xalq artisti adına layiq görülən Ədil İsgəndərov 1978-ci ildə vəfat edib.

Azərbaycan Yüksəliş Partiyası əvəzsiz sənətkar Ədil İsgəndərovun xatirəsini ehtiramla yad edir.