AY Partiya Gənclər Təşkilatının "Başla" otağında gənclərlə tanınmış ictimai-siyasi xadim Kamran Həsənlinin görüş keçirildi. Xocalı soyqırımına həsr olunmuş tədbiri AY Partiya Başqanının İdeoloji işlər və Türk Dünyası üzrə müavini Dr. Aynur Qəzənfərqızı açıb. O, qonağı və gəncləri salamlayıb, "Başla" otağı haqqında qısa məlumat verib.
Kamran Həsənli Xocalı soyqırımı haqqında danışarkən bildirib ki, bu soyqırımı unutmadan, qan yaddaşımızda saxlayaraq, ermənilərlə sülh şəraitində bir arada yaşamaq üçün modellər mövcuddur. Biz o modelləri özümüzə örnək seçməliyik ki, qalib tərəf ola bilək.
Kamran Həsənli gənclərin çoxsaylı suallarını cavablandırıb. Tədbir diskussiya formatında davam edib. Daha sonra Kamran Həsənli AY Partiya rəhbərliyi ilə görüşüb, mövcud ictimai siyasi-ictimai vəziyyət haqqında geniş diskussiya aparıb. Sonda xatirə şəkillər çəkilib.
