Azərbaycan Yüksəliş Partiyasının təşkilatçılığı ilə “21 Azər hərəkatına günümüzdən baxış: Milli muxtariyyət yoxsa istiqlaliyyət?” mövzulu tarixi-ideoloji dəyirmi masa keçirilib.
Tədbirə Türkiyədən dəvət olunan Qafqaz Strateji Araşdırmalar Mərkəzinin rəhbəri Hasan Oktay, Milli Düşüncə Mərkəzinin rəhbəri Hakan Paksoy, Siyasi və Strateji Araşdırmalar Mərkəzinin rəhbəri Sinan Demirtürk əvvəlcə AY Partiya Başqanı Anar Əsədli və Başqanlıq Heyətinin üzvləri yemək masası arxasında bir araya gəlib.
Qonaqlar daha sonra Başqanlıq Heyəti üzvlərinin müşayiəti ilə Şəhidlər xiyabanını, Türk şəhidliyini, Fəxri xiyabanda mərhum prezidentlər Əbülfəz Elçibəy, Heydər Əliyev, Azərbaycan Milli Hökumətinin başçısı Seyid Cəfər Pişəvərinin məzarlarını, II Şəhidlər xiyabanını, general Polad Həşimovun məzarını ziyarət ediblər.
Ziyarətdən sonra tədbir keçirilib. Moderatorluğunu AY Partiya Başqanının müavini Aynur Qəzənfərqızının etdiyi dəyirmi masada Hasan Oktay, Hakan Paksoy, professor Nəsib Nəsibli, millət vəkilləri Bəhruz Məhərrəmov, Ceyhun Məmmədov, tarixçi alim Boran Əzizli, güneyli siyasi fəal Əjdər Tağızadə, Sinan Demirtürk, professor Qulu Məhərrəmli, Məhəmməd Əmin Rəsulzadənin nəvəsi Rəis Rəsulzadə çıxış ediblər. Tədbirə yekun vuran AY Partiya Başqanı Anar Əsədli iştirakçılara təşəkkürünü bildirib.
Tədbirdən sonra Türkiyədən gələn qonaqlar AY Partiyanın ofisini ziyarət edərək, partiyada gənclərin “Başla" otağı ilə tanış olublar.

AY Partiya Başqanı Anar Əsədli dəyirmi masada iştirak və çıxışları üçün qonaqlara təşəkkür plaketi təqdim edib.