Azərbaycan Yüksəliş Partiyasında təşkilatlanma prosesi davam edir.
Bu gün AY Partiyanın Bakının Sabunçu və Suraxanı rayon təşkilatları təsis olunub.
Rayon təşkilatlarının təsis yığıncağında əvvəlcə 31 Mart Soyqırımının qurbanları, Azərbaycanın müstəqilliyi, ərazi bütövlüyü uğrunda canından keçən bütün şəhidlər sayğı ilə yad edilib.
Tədbirdə AY Partiyanın Sabunçu rayon təşkilatının sədri Anar Quliyev, Suraxanı rayon təşkilatının sədri Vidadi Şahsuvarlı çıxış edərək, göstərilən etimadı doğruldacaqlarını bildiriblər.
Yığıncağa yekun vuran AY Partiya Başqanı Anar Əsədli bu iki rayonun önəminə toxunub, ölkədə sosial-iqtisadi sahədəki ağır vəziyyətə diqqət çəkib. Bütün problemlərin həllinin Azərbaycan insanının aktiv siyasətə gəlişində olduğunu, bunun üçün də təşkilatlanmanın labüd olduğunu vurğulayıb.
Sonda rayon təşkilatlarının üzvləri ilə xatirə şəkili çəkdirilib.
