Ana dilində şeir deyərkən, hələlik ilk müəllif olaraq İzzəddin Həsənoğlunun adı çəkilir.

Günümüzədək şairin sadəcə 3 şeirindən söhbət gedirdisə, son zamanlar alim Seyfəddin Altaylı şariin divanını nəşrə hazırlayıb. İzzəddin Həsənoğlunun önəmi sadəcə Türkçə ilk şeir müəllifi olmasında deyil, həm də o taylı, bu taylı Azərbaycanı birləşdirən daha bir dəyər olmasındadır. Şair 13-cü yüzilin 2-ci yarısında Xorasan vilayətinin Bam-Səfiabad bölgəsində yaşadığı üçün qəbri də orda yerləşir. Uzun müddət İran hökumətinin laqeydliyi ucbatından sökülüb dağıdılmış qəbir ötən illərdə yerli milli ziyalıların təşəbbüsü ilə təmir edilib.

Aldığımız bir xəbərdə fars şovinistlərin qəbri uçurub, dağıtdığı qeyd edilir. Doğrusu, buna inanmadıq. Çünki İranda ciddi sərt rejimi nəzərə alarıqsa, rəsmi göstəriş olmadan bu qəbrin uçurulması da inandırıcı deyil. Bunun İran hökumətinin ölkəmizə və xalqımıza növbəti aqressiv təşəbbüsü olduğunu düşünürük.

İranda irtica rejimi o qədər laqeyd və aqressiv davranış sərgiləyir ki, hətta mədəni abidələri belə dağıtmaqdan çəkinmir. İzzəddin Həsənoğlunun xalqımız üçün mənəvi dəyərini bildiyi üçün məhz onun qəbrini uçuraraq növbəti provokativ davranışını ortaya qoymuş olur.

Azərbaycan Yüksəliş Partiyası olaraq İran hökumətini bu davranışından dolayı qınayırıq, dərhal belə provokativ davranışlara son qoymağa səsləyirik.