Dəyərli Abbas bəy!

 

Sizin azadlığa buraxılmanız xəbəri nə qədər sevindirici olsa da, Yəzd şəhərinə sürgün edilməsiniz barədə məhkəmə qərarını qətiyyətlə pisləyirik.

Hazırda Ərdəbildəki dogma evinizdə olmağınız, soydaşlarımızın Sizi tək qoymayaraq, axın-axın ziyarətinizə gəlməsi bizi sevindirir. Bu, o deməkdir ki, irtica rejimin bütün məhdudiyyətləri, təhdidləri Sizi və soydaşlarımızı qorxutmur.

Dəfələrlə qondarma ittihamlarla həbs həyatı yaşamış milli fəal kimi Sizin bu addımınıza İran rejiminin reaksiyasının necə olacağı məlum olmasa da, Sizi sıxışdırmağa davam edəcəyini təxmin etmək çətin deyil.

Haqlı mübarizəsində Sizin və güneyli soydaşlarımızın yanında olduğumuzu bəyan edir, İran rejimindən soydaşlarımıza qarşı həyata keçirdiyi assimilasiya siyasətindən əl çəkməyi tələb edirik.

Sizi azadlığa buraxılmanız münasibətilə bir daha təbrik edir, mücadilənizi dəstəkləyir, mübarizənizdə uğurlar diləyirik.