Beynəxalq təhsil günündə təhsilimizdən danışaq
Və ya hər yeni nazirdən niyə möcüzə gözləyirik?
Hər bir çağdaş cəmiyyəti inkişafa aparan yol təhsildən başlayır, təhsillə möhkəmlənir və təhsillə təminata alınır. Bu, belə olmasa idi, Qərb ölkələri, Yaponiya və Cənubi Koreya, Türkiyə vəs. kimi ölkələrdə dövlətin strategiyaları arasında təhsilə bu qədər önəm verilməzdi.
Özünə hörmət edən hər bir dövlətin düşünən beyinləri təhsil proqramı hazırlayır, dövlətin strateji hədəflərindən birini müəyyən edirlər. Lakin Təhsil proqramını hazırlamaq düşündüyümüzdən daha dərin məsələdir. Öncəliklə bir neçə strateji sual qoyulmalı və onlara cavab axtarılmalıdır.
Bu, suallar silsiləsinin başlanğıc suallarıdır. Hər sual özündə neçə alt sual doğurur.
Biz ölkə olaraq inkişafa qədəm qoymaq istəyiriksə, mütləq bu mövzularda seminarlar, treninqlər təşkil olunmalı, bu yöndə müxtəlif istiqamətlərdə fəaliyyət göstərən beyin mərkəzləri işə başlamalıdırlar. Yoxsa, biz hər dəfə dəyişən Təhsil nazırindən möcüzə gözləsək, hələ çox gözləyərik.
Elm və Təhsil Nazirliyi hazır dövlət proqramı üzrə çalışan bir qurumdur. Nazirin apardığı islahatlar bütünlüklə sistemi dəyişə bilməz. Hansısa qurumum inqlabi dəyişikliklərə imza atması real görünmür. Hətta deyək ki, imza atdı. Bu dəyişikliklər illərdir, üzərində iş aparılan bir layihə deyilsə, beyin mərkəzləri bu istiqamətdə çalışmayıbsa, hər dərədən bir çiçək toplamaqla edilən dəyişiklər nə qədər uğurlu ola bilər?..
Bu gün Beynəlxalq təhsil günüdür. Mən demirəm ki, seçkidə saxtakarlıq edən, az maaşına qane olub rüşvətə qurşanan, öz hüququnu müdafiə edə bilməyən müəllim təhsilə nəsə verəcək. Bunu demirəm. Çünki ortalığa üzərində illərin zəhməti olan böyük bir proqram qoyulsa, bu problemlər də həll olunacaq.
Benəlxalq təhsil günündə bizi inkişafa aparan təhsilli günlər arzusuyla.
Filologiya üzrə fəlsəfə doktoru İlahə Qurbanlı
AY Partiya Başqanının Elm və təhsil məsələləri üzrə müavini
