Lütfiyar İmanov 17 aprel 1928-ci il tarixində Sabirabad rayonunda anadan olub. 1954-1958-ci illərdə Asəf Zeynallı adına Musiqi Məktəbində, 1962-1968-ci illər ərzində indiki Azərbaycan Dövlət Mədəniyyət və İncəsənət Universitetində təhsil alıb.

 

L.İmanov 1958-ci ildən ömrünün sonunadək Azərbaycan Dövlət Opera və Balet Teatrının solisti kimi fəaliyyət göstərib.

O, 2008-ci il 21 yanvar tarixində dünyasını dəyişib.

 

Azərbaycan musiqi sənətinin inkişafında və dünya müstəvisində tanınmasında müstəsna xidmətləri olmuş Lütfiyar İmanovun ifasında opera və xalq musiqisinin vəhdəti vokal sənəti tarixində yeni bir mərhələ kimi dəyərləndirilir.

Onun tanınmış ictimai xadim və görkəmli pedaqoq kimi ölkəmizdə musiqi mədəniyyətinin tərəqqisi naminə uzun illər ərzində geniş və səmərəli fəaliyyəti vətənə, xalqa xidmətin bariz nümunəsidir.

Azərbaycan Yüksəliş Partiyası musiqi mədəniyyətimizdə öz dəsti-xətti ilə seçilən görkəmli sənətkar Lütfiyar Müslüm oğlu İmanovu hörmətlə yad edir.