Azərbaycan Yüksəliş Partiyası Gənclər Təşkilatının "Başla" otağının budəfəki qonağı tarixçi alim, dosent Firdovsiyyə Əhmədova oldu.
Firdovsiyyə xanım 31 Mart soyqırımından öncə mövcud siyasi situasiya haqqında geniş məlumat verdi, daha sonra soyqırımı ifadəsinin hansı situasiyalarda işləndiyi haqda danışdı.
Alim tarixi yaddaşında soyqırımı olmuş xalqların daha sonra bir arada yaşaması ilə bağlı bir çox örnək göstərərək, cəmiyyətin hazırlıq prosesinin hansı şəkildə aparılması ilə bağlı öz fikirlərini də bildirdi.
Daha sonra alim AY Partiya rəhbərliyi ilə görüşmüşdü. Partiya Başqanı Anar Əsədli Firdovsiyyə xanım ilə gənclərin milli şüurunun formalaşmasında alimlərin onlarla birbaşa ünsiyyətinin önəmindən danışdı. Həmçinin bildirildi ki, "Başla" otağının qurulma səbəbi də cəmiyyətə sağlam təfəkkürlü gənclərin yetişdirilməsidir.
