Bu gün - 19 iyul Azərbaycanın iki qadın milli qəhrəmanından biri olan Gültəkin Əsgərovanın anım günüdür.
1985-ci ildə Azərbaycan Dövlət Tibb İnstitutunu bitirən Gültəkin Qarabağ müharibəsi başladığı zaman öz körpəsini anasına əmanət edərək, könüllü cəbhəyə - yaralanan əsgərlərimizə yardım etməyə getmişdi. Gedərkən özü ilə 5 tibb bacısını da aparmışdı.
Şuşa şəhərinin işğalı zamanı şəhərin həbsxanasında olanların azad edilməsində əməyi olub. Daha sonra Gültəkin Əsgərova Laçının, Qubadlının müdafiəsində iştirak edib.
1992-ci il mayın 14-ü Ağdam istiqamətində gedən döyüşlərə yollanır. Aranzəmin yüksəkliyi uğrunda gedən döyüşdə 1992-ci il 19 iyulda şəhid olub.
Şəhidin Əminə adlı qızı yadigar qalıb.
Azərbaycan Yüksəliş Partiyası şəhidimizi dərin ehtiramla yad edir.
