Azərbaycan elminə böyük itki üz verib.
Ömrünü Təbrizin miniatür sənətinin tədqiqinə həsr etmiş sənətşünaslıq doktoru, professor Cəmilə Həsənzadə vəfat edib.
Cəmilə xanım Təbrizin miniatür boyakarlığı, miniatür məktəbinə aid onlarla kitab, yüzlərlə elmi əsər, məqalə yazıb. O, Azərbaycan, rus, fransız, ingilis dillərini mükəmməl bildiyi üçün ən müxtəlif mənbələrdən yararlanıb, araşdırmalarını danılmaz faktlarla əsaslandırıb.
Türk sevdalısı olan Cəmilə xanımın tək istəyi tariximizin saxtalaşdırılması cəhdlərinin qarşısının alınmasına, gerçəklərin istər Azərbaycan, istər Türk dünyası, istərsə də bütün dünyada yayılmasına nail olmaq idi.
Cəmilə Həsənzadənin vəfatı ilə əlaqədar onun ailə üzvlərinə, yaxınlarına, Azərbaycan xalqına dərin hüznlə başsağlığı verirəm.
Allah rəhmət eləsin!
Anar Əsədli
Azərbaycan Yüksəliş Partiyasının Başqanı