Müstəqillik dövrü Azərbaycan mətbuatının ən populyar və ciddi qəzetlərindən biri olan "Şərq" qəzetinin yaranmasından 25 il ötür.
"Şərq" qəzeti müasir Azərbaycan oxucusunun zövqünün formalaşmasında, cəmiyyətdə baş verən ictimai-siyasi proseslərin xalqa çatdırılmasında tarixi missiyasını şərəflə yerinə yetirməyi bacaran mətbuat orqanlarından biridir. Yarandığı gündən Azərbaycanın dövlət maraqlarını hər şeydən üstün tutan "Şərq" qəzeti milli mətbuatımızın "Əkinçi"dən gələn tarixi ənənələrini yaşadıb, inkişaf etdirən bir qəzet kimi böyük yol keçib. Bu gün də öz yoluna sadiq qalan "Şərq" ölkəmizdə qəzetçiliyin əsas qalalarından biri, mətbu sözü qoruyan ciddi media qurumudur.
Azərbaycan Yüksəliş Partiyası başda tanınmış jurnalist-araşdırmaçı Akif Aşırlı olmaqla "Şərq" qəzetinin dəyərli kollektivini bu gözəl gün münasibətilə təbrik edir, sağlıq və uğurlar arzulayır.