Azərbaycan Yüksəliş Partiyası Başqanlıq Heyəti İranın Bakıdakı səfirliyi önünə təyin elədiyi aksiya ilə əlaqədar dünənki qərarında dəyişiklik etmək zərurəti gördü.

Belə ki, etibarlı mənbələrdən aldığımız son məlumatlara görə, Tehrandakı Səfirliyimizə qarşı terror aktında şəhid olan həmvətənimiz baş leytenant Orxan Əsgərovun nəşi Bakıya gətirilib. Bu gün ikinci Fəxri Xiyabanda dəfn mərasimi gözlənilir. Həm şəhidimizin ruhuna ehtiram əlaməti olaraq, həm də nəzərdə tutulan müəyyən dövlət tədbirləri ilə əlaqədar ümumi təhlükəsizlik məsələlərinin kifayət qədər riskli olduğu indiki məqamda, saat 13:00-a İranın Bakıdakı səfirliyi önünə təyin etdiyimiz dinc etiraz aksiyasını bir neçə günlük tərixə salmağı məqbul hesab etdik.

Yaxın günlərdə aksiyanın vaxtı və saatı barədə ictimaiyyətə məlumat veriləcək.