Bu gün yol yoldaşımız, vəfalı, sadə və səmimi dostumuz, əzizimiz, Azərbaycan Yüksəliş Partiyası Başqanının Beynəlxalq məsələləri üzrə müavini Vasif İsmayılın ad günüdür.
Vasif bəy həm layiqli həkim, həm ictimai-siyasi xadim, ən əsası Azərbaycan sevdalısı kimi cəmiyyətin sevimlisidir. İctimai-siyasi fəaliyyəti, milli məsələlərdə həssaslığı, hər zaman doğru qərarlar alması partiyanın inkişaf etməsində və tanınmasında böyük rol oynayır.
Həkim kimi də Vasif İsmayılın uğurları bizi hər zaman sevindirir və qürurlandırır.
Vasif bəyin sadəcə partiyamızda deyil, həm də həyatda gözəl dost, dürüst və vicdanlı vətəndaş kimi hər kəsin ürəyində yeri var.
Hörmətli Vasif bəyi AY Partiya Başqanı Anar Əsədli və bütün üzvləri adından təbrik edir, ona cansağlığı, işlərində uğurlar, ailəsində xoşbəxtlik, şəxsi həyatında müvəffəqiyyətlər diləyirik.
