Savaşdan sonra ən vacib məsələlərdən biri yeni milli təhlükəsizlik konsepsiyasının formalaşdırılması idi.

Mərkəzi hakimiyyətə zərbə vura biləcək bütün idarəetmə formalarından imtina olunmalı, yeni effektiv bir sistemə keçid qərarı alınmalı idi. Mərkəzlə birbaşa əlaqə nəyin bahasına olursa olsun, təmin edilməli idi. Buna görə də biz 2 ildir, təkrar-təkrar vurğulayırdıq ki, İcra Hakimiyyəti institutu ləğv olunmalıdır. Türkiyə nümunəsindən təcrübə götürüb, prezidentin səlahiyyətli nümayəndəlikləri yaradılmalıdır.

Aydın idi ki, bu, birdən ola bilməzdi, tədricən həyata keçirilməli idi. Naxçıvana da səlahiyyətli nümayəndənin təyin olunması bu yeni institutun vacibliyini bir daha göstərdi. İndi qalır, səlahiyyətləri artırılmış güclü bələdiyyə institutunu formaladırmaq və növbədənkənar bələdiyyə seçkilərinə getmək…

Xalq yerli idarəetmə sistemində təmsil olunmalıdır. Bunu həyata keçirmək qaçılmaz prosesdir. Dəyişim prosesində xalq da öz yerini almalıdır. Azərbaycan hakimiyyəti işini buna görə qurmalıdır ki, ölkənin gələcəyi ilə bağlı yeni milli təhlükəsizlik konsepsiyasını formalaşdıra bilsin.

AY Partiya Başqanı Anar Əsədli