1992-ci il fevralın 25-dən 26-na keçən gecə erməni silahlı dəstələri SSRİ dövründə Xankəndi (Stepanakert) şəhərində yerləşdirilmiş 366-cı motoatıcı alayının zirehli texnikası və hərbi heyətinin köməkliyi ilə Xocalı şəhərini zəbt etdi.

Şəhəri yerlə yeksan etmiş erməni silahlı dəstələri və motoatıcı alayın hərbiçiləri dinc əhaliyə divan tutdu.

Bu qırğının nəticəsində 613 nəfər həlak oldu:

uşaqlar – 63 nəfər
qadınlar – 106 nəfər
qocalar – 70 nəfər
8 ailə tamamilə məhv edildi.
25 uşaq hər iki valideynini itirdi.
130 uşaq valideynlərindən birini itirdi.

487 nəfər yaralandı:
uşaqlar – 76 nəfər

1275 nəfər əsir götürüldü.
150 nəfər itkin düşdü.

Dövlətin və əhalinin əmlakına 01.04.1992-ci il tarixinə olan qiymətlərlə 5 mlrd. rubl dəyərində ziyan vurulub.

AY Partiya rəhbərliyi və üzvləri Xocalı soyqırımında qətlə yetirilən bütün insanlarımız üçün dərin üzüntü və hüzün hissi keçirərək bəyan edir ki, xalqımıza qarşı törədilən heç bir cinayət cavabsız qalmadığı kimi, Xocalı soyqırımını törədənlərin də ədalət məhkəməsi qarşısında hökmü oxunacaq və cəzası veriləcək.
O məşum gecədə və Qarabağ savaşında həyatını itirmiş bütün mülki insanlarımıza Uca Yaradandan rəhmət diləyir, xalqımızın bir daha belə faciələri yaşamaması üçün Azərbaycan Ordusuna güc və qüvvət arzulayırıq.