Dəyərli Vaqif bəy!

Sizi doğum gününüz - 65 illik yubileyiniz münasibətilə ürəkdən təbrik edir, cansağlığı, fəaliyyətinizdə uğurlar diləyirəm.

Müəllifi olduğunuz, tərcümə etdiyiniz onlarla əsər Azərbaycan ədəbiyyatının inkişafında mühim rol oynayıb.
Bunlardan “İnsan dənizi" romanınızda ötən əsrin 80-ci illərində baş vermiş hadisələrdən xilas olaraq yad bir şəhərdə gizli ömür sürən qəhrəmanın timsalında cəmiyyətin əxlaqına və mənəviyyatına yoluxmuş özgələşmə problemi bədii həllini tapıb.

Fərqli təhkiyə tərzində yazılmış "Səhra savaşı" rоmanında isə hadisələrin bu müstəvidə aşkarlanması ilə insan və dünya haqqında fəlsəfi düşüncələriniz əks etdirilib.

"Məhəmməd Əmin Rəsulzadənin ədəbi dünyası", "Ağır yоlun yоlçusu", "Azadlığın üfüqlərı", "Azərbaycan mühacirət ədəbiyyatı" kimi kitablarınız cəmiyyətin maariflənməsi, tarixini öyrənməsi baxımdan mühim əsəsrlərdir.
Sizi bir daha təbrik edir, elmi-ədəbi-ictimai fəaliyyətinizdə uğurlar arzulayıram.

Anar Əsədli
AY Partiya Başqanı