Başqan Anar Əsədli “Məmləkət söhbətləri-5” layihəsi çərçivəsində ziyalılarla iftar süfrəsində bir araya gəldi.

 

Tədbirin budəfəki qonaqları millət vəkili, hüquqşünas alim Bəhruz Məhərrəmov, Azərbaycan Yazıçılar Birliyinin üzvü, şair, fədakar pedaqoq Kamalə Abıyeva, filosof, bəstəkar-şair, naşir Rasim Müzəffərli, sabiq deputat, iqtisadçı alim, "Bəydəmirli Xeyriyyə Fondunun" təsisçisi Nazim Bəydəmirli, tanınmış jurnalistlər - LAF TV kanalının həmtəsisçisi, Əməkdar jurnalist Ləman Ələşrəfqızı, "TNS" İnformasiya Agentliyinin baş direktoru Tural Səfərov, “Bakı vaxtı” saytının baş redaktoru, Həsən bəy Zərdabi mükafatçısı Qalib İbrahimoğlu, AMİTA İctimai Birliyinin sədri, yazıçı, bir çox beynəlxalq mükafatın laureatı Türkay Şah Səlimi, məşhur rəssam Səməni Şahsuvar Qasımova, şair, yazıçı, tərcüməçi Kənan Hacı, "Vətən bağı" Sosial Təşəbbüslər İctimai Birliyinin sədri Emin Tarverdiyev, jurnalist-yazar Mirmehdi Ağaoğlu idi.

 

Tədbridə ölkədə və bölgədə baş verən önəmli olaylar barədə müzakirələr aparıldı, cəbhə xəttində son günlər yaşanan gərginlikdən danışıldı, İran və Rusiyanın Azərbaycana qarşı həyata keçirdiyi işğalçı siyasətdən bəhs edildi.

 

AY Partiya rəhbərliyinin də iştirak etdiyi tədbirin sonunda qonaqlar gənclərin “Başla" otağı ilə tanış oldular, Gənclər Təşkilatının sədri və üzvləri ilə söhbət etdilər.